الحمدلله
اڄ بسم الله ٽاور ۾ سنڌ شيخ ويلفيئر ايسوسيئيشن جي پبلڪ رليشن ڪميٽي جي طرفان منعقد ڪيل مني گيٽ ٽوگيدر نهايت ڪامياب، باوقار ۽ خوشگوار ماحول ۾ منعقد ٿيو.
بسم الله ٽاور جي معززن ۽ شيخ برادري جي ڀائرن ڀرپور شرڪت ڪندي پنهنجي برادري سان وابستگي، اعتماد ۽ يڪجهتي جو شاندار اظهار ڪيو.
ان موقعي تي پبلڪ رليشن ڪميٽي جي چيئرمين، انجنيئر وزير حسين شيخ، سنڌ شيخ ويلفيئر ايسوسيئيشن جي مقصدن، جاري فلاحي سرگرمين ۽ مختلف ڪميٽين جي ڪارڪردگي بابت تفصيلي آگاهي ڏني. ڪميٽين جي خدمتن ۽ ڪم ڪار بابت ڄاڻ حاصل ڪرڻ کان پوءِ ڪيترن ئي شرڪت ڪندڙن خوشي ۽ اطمينان جو اظهار ڪيو ۽ ايسوسيئيشن جي منظم انداز ۾ برادري ۽ سماج جي خدمت کي ساراهيو.
ان کان پوءِ اوپن فورم منعقد ڪيو ويو، جنهن دوران شرڪت ڪندڙن مختلف سوال، تجويزون ۽ خيال پيش ڪيا. انهن سوالن جا تفصيلي ۽ اطمينان بخش جواب انجنيئر وزير حسين شيخ، انجنيئر عبدالرحمان شيخ، اختر علي شيخ ۽ عبدالمنان شيخ طرفان ڏنا ويا، جنهن تي شرڪت ڪندڙن اطمينان ۽ اعتماد جو اظهار ڪيو.
شرڪت ڪندڙن جي تواضع لاءِ ريفريشمينٽ جو پڻ انتظام ڪيو ويو، جنهن کي سڀني شرڪت ڪندڙن ساراهيو.
تقريب جي پڄاڻي تي ڪيترن ئي دوستن اها راءِ ڏني ته اهڙيون گڏجاڻيون هر ٻن يا ٽن مهينن کان پوءِ منعقد ٿيڻ گهرجن ته جيئن باهمي رابطا، ڀائيچارو، سهڪار ۽ برادريءَ ۾ اتحاد ۽ يڪجهتي کي وڌيڪ هٿي ملي.
آخر ۾ پبلڪ رليشن ڪميٽي جي چيئرمين، انجنيئر وزير حسين شيخ، سڀني شرڪت ڪندڙن جو دل جي گهراين سان شڪريو ادا ڪيو، جن پنهنجي مصروفيتن ۽ قيمتي وقت مان وقت ڪڍي هن تقريب ۾ شرڪت ڪئي ۽ ان کي ڪامياب بڻايو. هن اميد ظاهر ڪئي ته اهڙيون گڏجاڻيون مستقبل ۾ به برادري جي ماڻهن وچ ۾ محبت، سهڪار، رابطن ۽ يڪجهتي کي وڌيڪ مضبوط ڪرڻ جو ذريعو بڻجنديون.
اتفاق اسان جي طاقت آهي، خدمت اسان جو مشن آهي، ۽ برادري اسان جي سڃاڻپ آهي.
